Kulturminneprosjektet

Eit intervju laga i samanheng med 7.klasse sitt arbeid med kulturminneprosjektet

Comments: Anne Elin Brautaset: ”Draumen har gått i oppfylling” Det gjekk over all forventing då kafeen Fru Svendsen opna fredag 9/5. Ann Elin Brautaset og Anne Velle Rishaug satsar på heimelaga mat, og det tyder godt. Vi har intervjua Ann Elin Brautaset. Heimelaga mat - Vi synest det er best med heimelaga mat fordi det smakar best og inneheld ikkje kunstige stoff, seier Ann Elin Brautaset. Maten er laga på godt gamaldags vis. Mens vi sitt og intervjuar ho, er det fin klassisk musikk på høgtalarane. Musikken er frå Svendsengarden si stordomstid. - Vi satsar på god norsk mat. Likevel har vi no fått eit brød som eigentleg kjem frå utlandet, men vi kallar det lunsjbrød, og då blir det litt betre synest vi. - Vi satsar på uteservering på fineversdagar. Vi skal lage til bord og sitteplassar på nedsida av huset. Møblane skal stå i stil til huset, det nyttar ikkje med plastikk her. På 17.mai blir det sikkert fullt med folk på kafeen, og då blir det fint med uteservering. - Det er mykje folk av den eldre garde som besøkjer kafeen, men også yngre folk. Det ser ut til at folk som ikkje går på kafé til vanlig gjerne tek turen til Fru Svendsen. Mange tingar selskapslokale Dei har fullt med konfirmasjonar og selskap i lang tid framover. Det er mange folk som stammar frå garden og synest derfor det er kjekt å ha selskapet der. Det er plass til omlag hundre personar i lokalet. Når ein ser på tapetet, møblane, lampane og omnane, ser ein at dette er gjennomført. - Eg har berre fått positive tilbakemeldingar på oppstartinga og sjølve ideen. Namnet Fru Svendsen - Vi kom opp med ideen på namnet for vi tenkte at der hadde vore ei fru Svendsen i Svendsengarden for lenge sidan, og for at vi er to damer som driv kafeen. Ann Elin har vore med i prosjektet i to år. Før den tid hadde ho og ei anna dame planar om ein kafé på andre sida av ”Midt-i-gata” men det vart skrinlagt. I Svendsengarden har Ann Elin hatt stor medverknad i utforminga av kjøkkenet. Vi anbefalar på det varmaste å ta ein eller fleire turar på kafeen. Der er det nydelege matrettar og kaker. Vi prøvesmakte dei herlege vaflane og den perfekt bland safta, og vi prøvde ut dei mjuke møblane. Luksus. Tekst: Torkjell Hovland, Simen Manseth Rebbestad, Sigurd Myklebust, Håvard Åmås og Hermann Aarseter. Full størrelse