| MG-stilling på bergryggen (nedre område) |
 | Comments:
MG-STILLING
Maskingeværstillinga her skulle overvake vegen frå Vestrefjord og stoppe evt. fiendar som kom etter vegen, eller prøvde å gå i land i Øygardsbukta.
Ei anna MG-stilling, ovanfor riksvegen og nærmare Russeleiren, kontrollerte vegen frå Rekdal og sjølve Russeleiren.
I skogen nord og vest for denne stillinga, finn ein to andre MG-reir som vender mot fjorden, og eit som vender meir vestover mot neset.
Date:
22.11.2003
Copyright:
Roger Aakernes
Full størrelse |
| Tunnel/tilfluktsrom (nedre område) |
 | Comments:
TUNNELEN
Denne tunnelen vart skoten ut i fjellet for å tene som tilfluktsrom for dei som heldt til i Øygardsbukta, dersom området skulle bli utsett for bombeangrep eller angrep frå sjøsida.
Under sprengjingsarbeidet gjekk ei salve "skeivt," og ramponerte kontorbrakka som stod på andre sida av elva: Skorsteinen vart skoten av, glasrutene knuste, og ein radio, som stod på eit bord innafor eine vindauget, "ramla på golvet og stor der og spela like godt," då folket fekk summa seg att etter smellen. Ingen personar kom til skade.
Ryktet vil ha det til at det kanskje ikkje var heilt tilfeldig at steinspruten traff brakka.
Date:
22.11.2003
Full størrelse |
| Aggregathuset |
 | Comments:
AGGREGATHUS
I dette romet stod ein 15 hestekrefters dieselmotor og ein dynamo som leverte naudstraum blant anna til den store lyskastaren på Øygardsneset.
Maskinisten, han som passa aggregatet, heldt til i ei lita "hytte" litt lenger aust og opp i bergsida.
Lyskastaren stod oppe på bergryggen lenger ute på neset, nord-vest for aggregathuset her.
Eit liknande aggregathus, med lyskastar på taket, og maskinist-hytte ved sida av, fanst under brinken nord-aust for gamlehuset til Bjermeland. Aggregathuset (i betong som her) står der enno.
Høgspentlinja frå Rekdal slutta i ein transformator like aust for der du står no. Der ifrå vart straumen fordelt til dei ymse bygga her i Øygardsbukta og oppe i Sandsvora.
Date:
22.11.2003
Copyright:
Roger Aakernes
Full størrelse |
| Kantina/spisebrakka |
 | Comments:
SPISEBRAKKE
og
KANTINE
På desse murane stod ei stor trebrakke som stod ferdig like før jul 1941. Brakka inneheldt spisesal og kjøkken. Spisesalen gjorde også teneste som kantine for soldatane.
Omnen på kjøkkenet bestod av ei stor støypejarnsplate som kvilte på murar av eldfast stein. Såleis kunne ein "koke"
over heile plata.
I kjellaren var det lagerrom for poteter, kålrabi og andre matvarer.
Under skorsteinen i øvste enden av kjellaren var der eit røykeri der dei mellom anna røykte ål.
I øvste enden av kjellaren var der elles badstove og dusj (med kaldt vatn).
Vatnet kom frå eit basseng oppe i Hestesida, og vart ført hit ned i røyrleidningar av tre.
Ovanfor brakka var der ein støypt platting der dei slakta dyr til mat.
Brakka som stod her vart riven og flytta etter krigen (1950), og er no ungdomshuset Vonheim på Rekdal.
Date:
22.11.2003
Copyright:
Roger Aakernes
Full størrelse |
| Kyrkja |
 | Comments:
KYRKJA
Denne store steinen var minert og klargjord for sprengjing, for på den måten å stoppe eller
seinke fiendtleg (alliert) inntrengjing i området.
Steinen minner mykje om eit hus eller ei kyrkje når ein ser han frå fjorden i vest, og vert kalla
"Rekdalskyrkja" eller berre "Kyrkja."
Date:
22.11.2003
Copyright:
Roger Aakernes
Full størrelse |
| Nedste vassverk-kum |
 | Comments:
VASSBASSENG
Over bassenget var det bygt eit lite hus.
Her ifrå gjekk vatnet i tre-røyr, som var omspunne med ståltråd, ned til brakkene i Øygardsbukta.
Date:
22.11.2003
Copyright:
Roger Aakernes
Full størrelse |
| Kvilebua til tyskearbeidarane |
 | Comments:
ARBEIDARBRAKKE
Eit lite tømmerhus var flytta hit frå ein av husmannsplassane i området, og tente som pauserom/opphaldsrom for nordmennene som var her på "tyskearbeid."
Dei fleste av desse kom frå Tomrefjord, Fiksdal, Rekdal og Vestrefjord.
Date:
22.11.2003
Copyright:
Roger Aakernes
Full størrelse |
| Ved hovudporten (til øvre område) |
 | Comments:
STÜTZPUNKT REKDAL
BATTERIE 22./976
Posisjon:
62-38-50 Nord, 06-45-00 Aust
Kartreferanse: C28/245852
Batteriets bevæpning pr. mars 1945 var:
4 stk. 10,5 cm K 331 (f) Schneider feltkanon,
1 stk. 4,7 cm panservern (jugoslavisk),
2 stk. 2 cm luftvern (tysk),
1 stk. 5 cm bombekastar,
5 stk. maskingevær (norsk, to typer),
20 stk. flammekastar 41" (Abwehrflammenwerfer),
2 stk. 60 cm lyskaster.
HOVUDPORTEN
Vegen her var sikra med "spanske ryttarar", piggtråd og port: Ei grind for køyrety og ei for personell.
I tillegg stod dei ei væpna vakt i skilderhuset på øvste sida av vegen.
Date:
22.11.2003
Copyright:
Roger Aakernes
Full størrelse |
| Inngangen til vaktbua |
 | Comments:
VAKTBRAKKE
Her oppheldt vaktlaget seg.
Brakka var bygd av tre (prefabrikerte flakar).
Steinmurane som står att i dag, var ikkje ein del av veggen i brakka, men vart lagde opp rundt brakka til vern og kamuflasje.
Dette er også forklaringa på fleire andre slike steinmurar som du kan finne inne i granskogen lenger aust, oppe i fjellet og bak kanon nr. 2 nede på sletta i nord-aust.
Date:
22.11.2003
Copyright:
Roger Aakernes
Full størrelse |
| Kanonstilling nr.1 |
 | Comments:
KANONSTILLING
NR.1
Haubitzkanon (høg kulebane).
Fabrikat : Schneider feltkanon K 331(f)
frå første verdskrig.
Kaliber : 10,5 cm
Skotvidde : 12 000 m
Prosjektilvekt: 16 kg
Utgangsfart på prosjektilet: 550 m/sek.
Kanonen stod på ei plate som kunne dreiast 360 grader på ringen i sentrum av stillinga.
Like bak kanonen er der små mura rom som inneheldt nærlageret av ammunisjon og anna utstyr til kanonen.
Hovudlagera for ammunisjon låg i utkanten av området (opp mot fjellfoten i austre enden av området).
Kanonen var kamuflert med eit nettingtelt
med "kamuflasjefarga" celluloidstrimlar på, slik at berre løpet stakk ut.
Dersom mot-elden vart for hard, kunne soldatane søkje tilflukt i næraste bunker.
Date:
22.11.2003
Copyright:
Roger Aakernes
Full størrelse |
| Inn i bunker ved kanon nr. 2 |
 | Comments:
Solid bygd bunker bak kanon 2.
Betongkonstruksjonen er framleis tørr og i svært god forfatning.
Date:
22.11.2003
Copyright:
Roger
Full størrelse |
| "Tilfluktsnisje" i løpegrav ved kanon 2 |
 | Date:
22.11.2003
Copyright:
Roger
Full størrelse |
| MG-stilling ved PV-kanon |
 | Comments:
På denne tappen stod eit maskingevær som dekte Russeleiren (med 28 russiske krigsfangar) og riksvegen utover mot Øygardsneset. Det var då ingen skog mellom denne stillinga og vegen.
Via ein underjordisk gang står "mannholet" her i samband med løpegravene til Kanon nr. 2 og panservernkanonen like aust for dette punktet.
Date:
22.11.2003
Copyright:
Roger
Full størrelse |
| Panservern-kanonstilling |
 | Comments:
Her stod ein 4,7 cm jugoslavisk panservernkanon som dekte vegen frå "Russeleiren" og utover mot øugardsneset, samt fjorden i nord.
Date:
22.11.2003
Copyright:
Roger
Full størrelse |
| Eldleiingskommandoen i sikte |
 | Comments:
ELDLEIINGSKOMMANDOEN
Her bestemte Hauptmann (kaptein) Helmut Bremer, som var eldleiings-sjef for batteriet. Herifrå hadde han godt utsyn over kanonstillingane, fjorden og Midsundet. Her kunne han sitje og berekne avstand og retning til målet, og dirigere eldgjevinga frå kanonane via det interne telefonsambandet.
Date:
22.11.2003
Copyright:
Roger
Full størrelse |
| Tittel mangler |
 | Comments:
I eit alliert etterretningskart vert dette "huset" beskrive som "eit hus sprengt inn i fjellet, og med betong tak.
Romet har truleg innehalde viktige installasjonar, sidan det er så godt sikre og kamuflert. Etter det ein kan sjå inne, kan det ha vore ein intern "vekslar" (manuell telefonsentral) her.
Date:
22.11.2003
Copyright:
Roger
Full størrelse |
| Tunnel/tilfluktsrom ved |
 | Comments:
Denne tunnelen,like ved "Kapteinsbrakka," gav offiserane som budde der kort veg til ein bombesikker tilfluktsstad.
Date:
22.11.2003
Copyright:
Roger
Full størrelse |
