Resultater

Kristi Skintveit kommenterer teppet slik (copyright 2012) : Det er eit ruteåkle, vove i heilsmett. "Banda" som markerer endane er rosebragd vove inn i åkle ved hjelp av kjeppskil. Mønsteret vert kalla "diagonalkomponert med romber og rosettar og endeborder" . (Kjelde: Marit Wang " Ruteåklær" Universitetsforlaget 1983) Her på dette åkle har veverska gjort ein vri ved å bryta diagonalane med blå ruter som er ganske originalt. Ho har òg gjort seg særs føre med å plassera mønsteret presist på midten, slik at det sluttar likt på kantane. Det var ikkje vanleg på gamle bruksåkle så dette vart truleg vove til eit spesielt høve. Klikk direkte på bilete for max storleik
© Arne Høyland

Innsendaren av bilete skriv: Mi bestemor hadde med seg eit åkle då ho gifta seg omlag 1930. Dette åkleet fekk ho etter mor si. Vevekspert Kristi Skintveit kommenterer teppet (copyright 2012): Det er eit brautåkle, typisk for Nordhordland, tilsvarande dei som Anna Fammestad har laga mange etterlikningar av. Dette er ein veldig fin variant, men har eit særs uheldig oppheng som skadar åkle. Brautene (tverrgåande border) har teknikkane: Åklesmett i ruter: 1 braut med romber og timeglas, og 1 bord med 8-spira stjerner, (forenkla åttebladroser.) Åklesmett i 2 lyneldborder, Halvsmett: 3 smale og 2 breie border. Krokbragd: 8 band / belter som mellomborder Toskaft i striper og kjerringtenner som skilje mellom brautene. Skulle gjerne sett endane for å bestemma vevstoltype. Det er truleg vove mot slutten av 1800-talet. Plantefargane er: Krappraud tilsett vinstein eller tinnsulfat for å få klar farge. Mørk blå, (truleg brissel, blåtre) i staden for svart, og lysare potteblå eller vaidkype. Gul av pors, lyng eller lauv Grøn (blanding av blå og gul) I borda med stjerner skimtar eg ein isblå farge som kan vera etterfarge frå kype eller restar av turkis anilinfarge (kjemisk, kom på slutten av 1800-talet) Helsing Kristi.
(01.09.2012)