Resultater

Åkle nr.1 registrert i Samnanger. Dette er gjort i samband med kommunen sitt arbeid med kulturminneregistrering og kommunedelplan for kulturminne. Kristi Skintveit, frå Jondal, kommenterer teppet slik (copyright 2012) : Det er eit "krokåkle med border i halvsmett" Litteratur: Kristi Skinveit har skreve ei bok som heiter: "ÅKLEBRAGDER frå Jondal og kring Folgefonna" Anna Østerbø Kåstad har skreve heftet "Oppstadveven" som er gjeven ut av Osterøy museum.

Reidun Karin Nes fra Stord Husflidslag kommenterer: Hei No kan ikkje eg kalla meg nokon ekspert i veving, sjølv om eg har prøvt mange av bindingane. Likevel vil eg prøve å “gisse” kva dette er. Eg synes dette minner om krokbragd og brodersmett. Er dette brodersmett, så kan det gjerne være brodert inn nytt mønster dersom det gamle var utslite. Brodersmett legg ein inn når ein vev botnen i teppet, men kan også syast på etterpå. Det er mitt forslag.
(13.06.2012)

Kristi Skintveit (copyright 2012) kommenterer meir: Førebels har eg funne flest slike på Tysnes, eller med røter frå Tysnes. Halvsmetten er opphavleg smetta inn undervegs i vevinga og vart mest utsett for slitasje, slik at den kan vera delvis borte på gamle åkle. Sidan fargane er sterkare i desse bordane, enn elles på åkleet frå Samnanger, kan dei vera brodert inn på nytt.
(13.06.2012)

Dette er baksida av åkleet. Kristi Skintveit (copyright 2012) kommenterer : Åkle frå Samnanger som det handlar om her må vera frå kring 1900. Med unntak av ein farge er det kjemisk farga med anilin (pakkfargar eller posefargar) Den første kjemiske fargen, lilla, vart oppfunnen på 1850-talet. Raud, oransje og gul deretter, men dei kom ikkje i handelen på bygdene her før på 1870-talet. Turkis som òg er nytta i dette åkleet kom veldig seint, ein gong rundt 1900. Ut frå bileta Arne sende ut ser ein at botnen har handspunne garn (Z-tvinn) og er heimefarga med lilla, raud, oransje, sitrongul og turkis anilinfarge. Den olivenfarga tråden, tydelegast på bilete 2, kan vera plantefarga grøn eller "svart". Lilla vart grå etter falming, men sjå bilete 3 av vranga. Dei smetta motiva har nyare kjøpegarn og er sydde inn som ei gjenoppretting av halvsmett. Alle kjenneteikna tilsvarer funna mine frå Tysnes.
(13.06.2012)

baksida
(13.06.2012)

baksida
(13.06.2012)