Resultater

22.11.2010 (arne høyland)

Kommentarer til aktiviteten
Monrad Kvinge f.1920 har laga ei snøresule og monterer snøret men stein, forsyn og krok.

Bilder

Sula med snøre som Monrad Kvinge har laga. No skal me sjå litt på korleis han sette saman og monterte snøret, for det er ein kunst som få kan i dag.
(22.11.2010)

Monrad Kvinge, f. 1920, har laga ei snøresule av den typen som var vanleg til å fiska torsk, hysa og kviting med her på Kvingo i Masfjorden. Sula er laga av furu og delane er festa og sett saman med trenaglar med lim på. Eg har skaffa hampesnøre hjå seglmaker Iversen i Meland. På bilete er han i ferd med å sula opp, d.v.s. hengja opp snøret på sulo. Før dette hadde han rørd ongelen, d.v.s. laga ei trådlykkje og festa den til ongelen for å gje feste til fortaumen på fiskesnøret. Klikk direkte på bileta for max storleik

Dei gamle onglane hadde ikkje auga til å tre forsynet gjennom, så då laut dei laga ei taulykkja og festa den til ongelen, det trur eg dei kalla for å røra ongelen. Her ser me Monrad har rørd ongelen, han brukte litt tynn svart sytråd. Han var ikkje heilt tilfreds med tråden, den var ikkje av rette slaget, så det vart ikkje så fint som det skulle ha vore. Denne ongelen er litt større enn dei ville brukt til snørefiske, dette er ein lineongel av gamal type.
(22.11.2010)

Etter å ha rørd ongelen, går Monrad i gang med å henga opp snøret på sulo.
(22.11.2010)

Enden av snøret vert det festa til ein fiskestein, ei blystein med innlagt streng.
(22.11.2010)

Snøret vert festa til fiskesteinen.
(22.11.2010)

I andre enden av strengen festar han forsynet (fortaumen). Forsynet skal vera stivare enn sjølve snøret, så det ikkje flokar seg så lett. Monrad manglar forsyn av gamle typen så han brukar ein stiv nylontråd.
(22.11.2010)

Monrad festar forsynet til strengen på fiskesteinen, brukar same knytinga som i andre enden av fiskesteinen.
(22.11.2010)

Forsynet er knytt fast til strengen på fiskesteinen.
(22.11.2010)

Detalj; knyting av forsyn til strengen på fiskesteinen.
(22.11.2010)

Den siste halvmeteren av forsynet brukar han ein messingstreng, dette for at fisken ikkje så lett skal sjå forsynet. Han sler ein knute på forsynet og trer messingtråden gjennom knuten og surra han fast.
(22.11.2010)

Trer messingtråden gjennom knuten og surra han fast til forsynet.
(22.11.2010)

Messingtråden er surra fast til forsynet/fortaumen.
(22.11.2010)

Så er alt ferdig og steinen og forsynet vert hengd opp på sula
(22.11.2010)

Så er snøresula komplett og klar for fisking.
(22.11.2010)

Den tynne mesingtråden som heng ned til ongelen er yste delen av det ein kallar for forsyn.
(22.11.2010)

Øverst oppe seg me fiskesteinen som forsynet er festa til og eit godt stykke nede på forsynet er det skøytt på ein stubbe med messingtråd og i enden av den er ongelen festa.
(22.11.2010)

Her ser me at enden av forsynet der messingtråden er festa til ongelen. Det heng også ein liten tynn tråd ned frå ongelen, og den vert nytta til å surra fast agnet til ongelen med. Her i området vart blåsjel ofte brukt som agn til snørefiske.
(22.11.2010)

Her ser me det komplette snøret. Øverst er sula med hampesnøret, i enden av hamepsnøret heng fiskesteinen, og i nedre enden av den er forsynet festa. I enden av forsynet er det festa ein messingstreng og til den er så ongelen festa. Enkelt og greit ?
(22.11.2010)