Resultater

BILETE 655 Frå saga inne på Eidsland kunne eg og sjå eit vindgrel ute på fjorden. På bilete ser ein vindgrelet som eit uklart felt på den speilblanke sjøflata.

BILETE 656 I dag skal båtborda leggjast på strø, d.v.s. leggjast opp for tørkng. Det ligg bord frå seks rotastokkar klar. Hans seier det må vera mest ope i midten på stabelen når ein legg opp. Og han seier at ein må fylgja med og : sjå ette at lektna liggja rett (lektene må liggja rett ovanfor kvarandre) Lektene må heller ikkje stikka ut på endane , for då vil dei kunna trekkja vatn inn i borda.

BILETE 657 Etter kvart som me tek bord frå stabelen prøver eg å få Hans til å kommentera nokre kvistar i borda. Kommentarane som føl er knytta til kvistar i rotstokken Lyn-Johan. Rotakvisten til venstre er ikkje fårleg for han går ikkje gjennom bordet seier Hans og ser på baksida av bordet.

BILETE 658 Denne kvisten er liten seier Hans, og : - ikkje sikkert han går igjøno hell

BILETE 659 Denne kvisten kan kanskje brukast, det kjem an på kvar bordet kjem i skuto, om det vert mykje bøy på bordet, om han kjem oppe på skuto

BILETE 660 Me ser på eit bord av Store-Magne. - detta serkje so verst ut, seier Hans. Båtbord med slike kvistar kan brukast

BILETE 661 Båtborda er komen på strø og Hans reknar at det er vel nitti bord i stabelen. Hans seier det må vera mest ope i midten på stabelen når ein legg opp. Han seier ein må fylgja med og: sjå ette at lektna liggja rett (ovanfor kvarandre) Lektene må heller ikkje stikka ut om kanten på stabelen for då vil dei kunna trekkja vatn inn i båtborda. På grunn av ulik lengde på borda må strøskøytane koma i midten på stabelen. Heile strølengdar kjem på endane der det er større rom mellom borda. Dei heile bordlengdane vert og lagd på endane, dei kortare på midten. Når du vekslar slik med borda og ikkje har fulle lengdar, so kan dei liggja tettare før då vert da opnare i stabelen. Ved å leggja varierte strølengdar og bordlengdar på denne måten vert materialen liggjande luftig og stødig. Hans seier og dette: - når du kjem opp i stabelen kan du liggja litt tettare , da e bere lufting heilt oppe. Etter kvart som borda vert lagd ned kommenterer Hans kvaliteten stokkane i mellom: - Storaføro hass Magne ser bere ut enn hass Johan. - då va han Store-Johan ringaste, ikkje so verst den stora hass Magne. - Urdalstokkane kom dårlegast ut, storaføro på Urdal leda stort på kvistområde Hans vurderer urdalsstokken Store-Johan: - ho stora på Urdal va volsomt med kvist i, ho va fem meter long so da e no litt å kappa på (den gode lengden på borda gjer at borda kan brukast likevel) Litt snakk om losting: - da vakje alltid bjørkje losta lika lett, kalde vårar og sumrar losakje so lett - brukte vanlege vedabjørkje te never - han bestefar sa dei hadde jamt et stavapar med bork i nøste

BILETE 662 Hans set opp skantborda på høgkant, borda tørkar best denne vegen. Borda skal brukast til å laga skantar til bordgangane når han skal borda opp skuto. Eg spør om dei ikkje vil slåkas seg og Hans seier: - da gjer ikkje nåke Me var ferdig med å stabla bord kl 14.00

Etterpå køyrde me opp til Eikemo der Reidar Eikemo kom med traktor og vinsj og drog opp to bekk-emne (furutre) som låg att. Hans lo hjarteleg då den eine rotastokken vart vinsja opp gjennom lia: da va førnøyele å sjå kor ho for opp lie den krekso dar , Dette tok han oppatt fleire gonger, at rota laut gje etter for vinsjen opp gjennom krattet : - ho for hannlaus opp då BILETE 663-664 Etterpå køyrde Reidar stokkane ned på Øyre med lastebilen og lesste dei av der. Det var også Reidar Eikemo som hjalp Hans i vinter med å vinsja krokeika, (lot og stamnemne) ned til vegen ved Modalstunnelen. Eg ville betala Reidar for arbeidet i vinter og no i dag, men han skulle ikkje ha noko. Han ville støtta eit godt tiltak.

BILETE 664 Reidar og Hans lesser av stokkane.