Resultater

BILETE 629 På veg inn Eidsfjorden stoppa eg bilen på Kalland og tok eit bilete innover Eidsfjorden

BILETE 630 Då eg kom inn til saga på Eidsland, sat Hans og filte sagbladet. Det lyt han gjera kvar dag når han sagar mykje.

BILETE 631 Etter at Hans er ferdig med å fila sagbladet, går han ned til til dei to Urdalstokkane som ligg klar til å verta hala inn på kubbebenkjen. På bilete ligg han Lyn-Johan til venstre og han Små-Johan til høgre.

BILETE 632 Hans dreg ut ein vaiar og festar om han Små-Johan. Vaiaren går om ei blokk som er forankra i ein bergknaus litt ovanfor og vidare til eit spel inne på saga. Når stokken er kome opp til blokka, tek han blokka vekk og dreg Små-Johan rett inn på kubbebenken på saga. Urdalstokkane har vorte dregen litt på grusveg, og difor vil Hans renska dei litt med øksa så han ikkje får stein i sagbladet når han skjer.

BILETE 633-634 Fyrst vert han Små-Johan renska, det er han som ligg for tur og skal fyrst på sagbenken. Ved sida av ligg han Lyn-Johan, og på bilete kan ein sjå eit svart langsgåande sandskurt felt på stokken.

BILETE 634 Fyrst vert han Små-Johan renska, det er han som ligg for tur og skal fyrst på sagbenken. Ved sida av ligg han Lyn-Johan, og på bilete kan ein sjå eit svart langsgåande sandskurt felt på stokken.

BILETE 635 Lyn-Johan som ligg like bak Små-Johan, vert renska med det same der han ligg.

MAT OG PRATEPAUSE BILETE 636-637 Der er litt kaldt og vått i veret,så me går ned i båten til Hans og et. Me snakkar litt om tørking av materialar: - te sjikkele matriala vil eg ha sjikkele strø. Me snakkar litt om korleis varmen breier ser i treverk: - varmen spreie seg seint i treverket.Da tek tid å heta da opp. Men e da varme i da , då fata da nett so i olja. Eg spør om det er skildnad på kor lett-tenneleg tresortane er. - mjuke tresorta tenne lettare enn harde osp, older og gran e lett-tenneleg, hard-veden tenne ikkje so lett Den mjuke veden tenne med ein lågare temperatur. Sånn so eikje,må du ha meir tenningsvarme på. Vekte i veden tilsvara varmemengden.(Tung ved brenn lenger enn lett ved) SAGING AV SMÅ-JOHAN ( 5 meter lang og 46 cm midtmål/midja) 1. rundhun, ligg 2. rundhun, bordskur 3. hunbord,7/8 toms, - me tek da te kjølbord,da va so beint og fint 4. båtbord,7/8 toms, 5. båtbord,7/8 toms, 19 kvistar 6. båtbord,7/8 toms, 25 kvistar 7. båtbord,7/8 toms,42 kvistar 8. båtbord,7/8 toms,34 kvistar, mergbord Hans ser på bordet og seier: brunflekkjeta 9. båtbord,7/8 toms, 45 kvistar, mergbord 10.båtbord,7/8 toms, 21 kvistar 11.båtbord,7/8 toms, 17 kvistar Hans ser på bordet og seier: han va igrunnen ikkje so verst denne kubben 12.båtbord,7/8 toms, 10 kvistar 13.båtbord,7/8 toms, 3 kvistar Hans seier: her kom båtabordet 14.båtbord,7/8 toms, 1 kvist 15.skantabord, 1/2 toms 16.rundhun,

BILETE 638 Lyn-Johan ligg klar på sagbenken ( ikkje so lett å sjå, men han ligg dar og Hansen står dar) Det viste seg ved saging at eit lyn hadde slått ned i treet og kløyvd heile stokken med ei tynn gjennomgåande sprikke. Hans fekk mistanke om dette allereide då han berka ho nede i fjæra. Han sa ikkje noko om det då, og trudde vel kanskje ikkje at skaden var så omfattande. Difor gjev eg stokken namnet namnet Lyn-Johan.

Skjering av Lyn-Johan: 1. rundhun, ligg BILETE 639 2.rundhun,bordskur

BILETE 640 3.skantbord, 1/2toms, kvistfritt

BILETE 641 skurd 4.båtbord,7/8 toms, 1 kvist Eg tel kvistane i kvart bord på denne rotakubben,og her er dei ein kvist nederst i rotenden av bordet.

BILETE 642 Skurd 5. båtbord, dimensjon 7/8 toms, 8 kvistar

BILETE 643 Skurd 6. båtbord, 7/8 toms, 19 kvistar

BILETE 644 7.båtbord,7/8 toms, 34 kvistar

BILETE 645 8.båtbord,7/8 toms, 42 kvistar,

BILETE 646 9.båtbord,7/8 toms, 28 kvistar, mergbord

BILETE 647 10.båtbord,7/8 toms, 25 kvistar Hans: - da va synd (om sprikko)

BILETE 648 11.båtbord,7/8 toms,10 kvistar Hans tenkjer på det fine bordet : - da va begredele rett å slett (med den sprikko)

BILETE 649 12.båtbord,7/8 toms,2 kvistar, Hans: - denna va penga ver viss han va heil

BILETE 650 13.båtbord,7/8 toms, kvistfritt Hans: danna kunne me sola oss i

BILETE 650 13.båtbord,7/8 toms, kvistfritt Hans: - danna kunne me sola oss i Stabel med båtbord av Lyn-Johan til venstre.Diverre gjekk det ei lita sprikke gjennom mange av borda i denne stokken som Hans meinar kan skuldast eit lyn som har slege ned i treet.

BILETE 651 14.bord,7/8 toms, kvistfritt, kort bord + rundhun

BILETE 652 15.rundhun, kvistfri

BILETE 653 Hans likte veldig godt den siste stokken. Denne og Sprikke-Nils(ho som stakk av ned gjennom Grøsviklia og stonga i ein stein og klovna) var dei finaste av alle rotstokkane seier Hans. Diverre var han Lyn-Johan klovna tvers igjennom p.g.a. lyn-nedslag i treet. Både han Lyn-Johan og han Sprikke-Nils går difor i hovudsak ut som emne til båtbord i skuto. Dette var ein strek i rekninga. (Det er eg som har dikta namn på stokkane Lyn-Johan og Sprikke-Nils, men godt inspirert av Hans som og har lett for å setja namn på ting. Han kalla den stokken som eg har døypt for Store-Nils for Herkjen, fordi han var so herkjen då han skulle løypast ned lia ?) Hans er ferdig med å saga han Lyn-Johan og tenkjer attende på erfaringane med denne stokken. Då han flåta denne stokken frå Urdal til Eidsland ,så sokk han meir i sjøen enn dei andre. No skjønar han det,sprikko i stokken har trekt inn mykje sjøvatn og gjorde ho tung. Me sluttar dagen med å skjera ein skatstokk til strø-lekter. SKATSTOKK AV STORE-NILS, (4 meter lang og 26 cm midtmål) 1.rundhun, ligg 2.rundhun,bordskurd 3.bord, toms, strø 4.bord,toms,strø 5.bord,toms,strø 6.bord,7/8 toms,strø (feil innstilling) 7.bord,toms,strø 8.bord,toms,strø 9.bord,toms,strø 10.bord,toms,strø 11.bord,toms,strø Desse borda vart etterpå skoren til lekter med dimensjonen 1x1 tomme. Til saman vart det 67 strø-lekter. Hans stoppar saga. Klokka går mot 16.00 og han meiner det er for lita tid att av dagen til å leggja materialen på strø no.

BILETE 654 På ferga heimatt frå Stamnes til Vikanes tok eg eit bilete retning Eidsfjorden. Hesjedalsfossen lyser som ei kvit stripe baki fjellet.