Resultater

20.05.1996 (nhu v/ arne høyland)

Kommentarer til aktiviteten
BRØRVIKSKUTO (056) TID: 20.05.96 TRANSPORT AV MATERIALAR STAD:EIKEMO,EIKEFET OG EIDSLANDET TRADISJONSBERAR: HANS BRØRVIK TRAKTORTRANSPORT: OLA ARTNSTEIN VIK DOKUMENTASJON: ARNE HØYLAND Eg tok ettermiddagsferga frå vikanes til Stamnes. Hans Brørvik kom på ferga på Gammersvik og me sat oppe i salongen og såg ut på landskapet og snakka. Hans seier at fargane på lauvet varierer når det sprett om våren alt etter temperaturen i lufta. Mengda med lauv varierer og: - i fjor va da so voldsomt med lauv, to-tre gonga so mykje so vanle, da va so vållsåmt me lauv Hans fortel han tok inn noko lauv til å pynta i kyrkja med, og lauvet hang så tett på dei tynne buskene; - da va nett so ein soplime Eg spør om forklaringa på denne store forekomsten av lauv : - da va lagleg ver - hadde laga fint te om hausten - å so va da mykje fre (frø, kumra) - eg har`kje minne te eg har sett so mykje lauv på skojen so i fjor Hans forklarer vidare: - Du ser på ungbjørkje, so ser du gjøno lauvet , men no va da so tett at du såg`kje i gjøno Me ser på bjørkeskogen som veks langs fjorden at fargene varierer på lauvet i ulike nyansar frå lysebrun til grøn. Eg spør kvifor det er slik: - viss da e kaldt når ho sprett, då vert da brunaktig let på han, han ekje fin då - men da ekje lengje før han fer når varmen kjem - du får fin farje vis da e tørt, lysegrøn farje - når regnet kjem, då mørkna ho snart Hans fortel om ein haust han merka at ospa hadde ein særleg fin farge : - ospe va arleis i lauve når da hausta, da kom ein raudfarje ein ikkje er van me å sjå her, ho sto me ein raufarje so va so fin, då va hausten fin og då skojen bejynte å visna .. so vart ho so løyen i toppen, nett so ho ville turkna, men so plutsele vart da so ein fin raudfarje på ho , lura på om da va hausten 1993. Hans fortel om hausten 1968 då han var på besøk på Sør-landet. Han merka seg då den store skilnaden på korleis det hadde haustast her han kom frå og nede på sørlandet : - her va skojen fare, da va et ufysele ver (om hausten), men nere på sørlandet stod skojen so da va midtsommars Hans fortel vidare at lauvskogen laga god jord: - olderskojen laga mineraljord, han løyse opp steinane, da e ei syra i knollane so løyse opp steinen , oldre, da e jordkultivatoren i skogbrukje Eg spør kva oldra vart brukt til før : - oldre va brukt te ved , ho vart ikkje brukt te dyrefor (skav eller beit). Ferga er framme på Stamnes, me køyrer i land og fer inn langs med Eidsfjorden. Me ser det er litt krusninga nede på fjorden. Hans kallar dette for v i n n g r e l (n. eint.) Me snakkar litt om korleis vindane bles her i fjorden. Det er vanskeleg å få jamn vind i fjorden, den sterke vinden kan vera meir jamn, medan den svake kan veksla meir. Me kjem opp til Eikemo, der Ola Arnstein Vik ventar med traktoren. Så lesser han på eikestokkane som ligg klar ved Skre-li-elva på Eikemo.

Bilder

BILETE 554 Etter å ha lest på eikjematerialane på Ekemo, køyrer me ned til Fet-stegane på Eikefet, og lesser på rotmaterialane, sju stokkar som skal brukast til bekkjer i skuto (innved).

BILETE 555 Fet-stegane på Eikefet, me lesser på rotmaterialar.

BILETE 556 Fet-stegane på Eikefet, me lesser på rotmaterialar. Det vert liggjande att to rotstokkar som ligg litt for langt frå vegen. Hans trur han kan få nokon med traktor og vinsj til å dra dei opp til vegen seinare ein gong. Eg foreslår at eg eventuelt kan køyra dei ned med biltilhengar seinare når eg skal inn å henta og rydda litt meir frå hogsten på Eikefet.

BILETE 557 Me køyrer ned dalen til Eidslandet der Ola stoppar for å ta ein telefon. Eg tok nokre bilete av stokkane som ligg på tilhengaren.

BILETE 558 Eg tok nokre bilete av stokkane som ligg på tilhengaren.

BILETE 559 Eg tok nokre bilete av stokkane som ligg på tilhengaren.

BILETE 560 Eg tok nokre bilete av stokkane som ligg på tilhengaren.

BILETE 561 Eg tok nokre bilete av stokkane som ligg på tilhengaren.

BILETE 562 Stokkane vert køyrd ned til gamlefabrikken på Eidslandet, og vert lagd i fjæra der Vetlejord-materialen ligg frå før. Eg gjer opp for transporten i dag og den 11.05.96. Så køyrer eg Hans heimatt til Gammersvik og etterpå attende til Stamnes. Klokka går mot 22.00 og siste ferga til Vikanes har gått, så eg køyrer heimatt om Sørfjorden og Arna.

BILETE 563 Stokkane vert køyrd ned til gamlefabrikken på Eidslandet, og vert lagd i fjæra der Vetlejord-materialen ligg frå før. Eg gjer opp for transporten i dag og den 11.05.96. Hans kunne fortelja at han hadde snakka med Jakob Eikefet og Oddvar Eikefet og dei meinte me skulle få gratis rotmaterialane med hadde hogd. Så køyrer eg Hans heimatt til Gammersvik og etterpå attende til Stamnes. Klokka går mot 22.00 og siste ferga til Vikanes har gått, så eg køyrer heimatt om Sørfjorden og Arna.