Resultater

Etter at eg og Hans Brørvik i november 1995 hadde bestemt oss for å gå i gang med å byggja ei skuta,byrja me å gå på leit etter emne.Fyrste turen me gjorde var til Brørvik der Hans vaks opp og er godt kjend i skogen.No er me komen opp til eit område der Hans skal sjå på eit kjølemne.Hans tenkjer slik: Te skuto vil eg ha et kjølemne på om lag 10 meter og ferdig bearbeidd skal da vera ca. 8,5 meter med ein dimensjon på 4x6 tommar. Den til høgre kan vera et fint kjølemne so kanskje kan brukast i skuto.Ho e 10-11 tomma i rote ,e javn og bein,men da spørst om da e nok emne i toppen.Eg skulle hatt stigen so eg kunne kontrollert dimensjonen i toppen. Da e ein liten bue i stammen som stel tå emnet,men viss eg skjer ho etter buen so kan eg spenna kjølen opp og retta han ut når eg byggje.

Kvist e da lite tå, og den so e dar e tynn og frisk. Små kvista gjer ikkje nåke. E kvistane store ,vil da sprikka lettare.

I bakkane ovanfor tunet i Brørvik står eit stort gamalt eiketre. Me ser litt nærmare på treet og Hans fortel: Dei rekna eikje her før å vera tusen år då eg vaks opp. Den gamla eikje ekje te nåke, da e sprøtt,nett so kål. Ho e open, ho e flakna. (FLAKNA : Stammen er sprukken, rivna, klovna, skala av, han er ikkje heil.) Eikje måtte vera ein trehondra år gamal før ho va nåke å rekna på te skipsmaterial