Resultater

Oversikt Straume gard med Bolstadfjorden og brua over Bolstadstraumen. Straumegardane har hatt fleire uteløer i utmarka der dei slo og lagra turrhøy. I dag går turen opp Straumsdalen til Jeilaliløo der Arne Vassenden har reparert ei gamal uteløa og lagt ny never og torv på taket, omlag slik dei tenkte og gjorde det i gamle dagar.

Sjuande klasse ved Stamnes skule skal vera med på opninga. Sveinung Klyve frå Vaksdal kommune, til høgre på bilete, har vore ein god medspelar for Arne Vassenden.

Her er me framme ved Jeilaliløo og kultursjefen i Vaksdal, Kristin Myrmel Henschien står for opninga av løo. Med dette markerte også Vaksdal kommune kulturminneåret 2009. Til høgre på bilete står Arne Vassenden. Truleg er dette ein av dei få, om ikkje den fyrste bygningen som på lang tid i Vaksdal har fått nytt torvtak tekt på tradisjonell måte med never . Det å leggja never- og torvtak på gamlemåten, har lenge vore eit utdøyande fagfelt. Men no er det nettopp desse kunnskapane som vert etterspurt når t.d. musea skal leggja nye tak på gamle bygningar som har hatt torvtak. No skal det gjerast på gamlemåten, i tråd med lokale tradisjonar. Russenever, som Riksantikvaren lenge har brukt, er med dette vorte bannlyst på Vestlandet, i alle fall på Straume.

Arne Vassenden fortel til dei oppmøtte korleis han gjekk fram i arbeidet. Her syner han fram lauvkniven (snidelen)som han nytta då han hogg brakje til brakaveggen. Klikk direkte på bileta for max storleik.

Etter opninga spela ein lærar frå Stamnes skule ein trall på tussefløyta.

Arne Vassenden med sitt brakeinspirerte skjegg framfor uteløa i lag med fylkeskonservator Per Morten Ekerhovd som hadde tatt på seg ei verneverdig lue som skal vera datert til 1952.

To av veggane har fått ny brakekledning og den eine har den gamle bordkledingen.

Ny brakevegg, denne er noko tettare enn den gamle seier Arne V.

Den gamle bordkledning oppe i gavelen vert ikkje skifta ut.

På oppsida er løa open , berre med eit par steinheller som livdar litt på hjørnestavane. Dette er den lunaste sida med opning inn i løa.

Arne har vore nede i Straumsdalen og leita fram sterk seigvaksen torv som ikkje skal gå så lett i oppløysing før ho har grodd til med ny grasvekst.

Her ser me Arne Vassenden, som spelte hovudrollen i det nye neverspelet i Straumsdalen. Ein anna avgjerande fakor for realiseringa av dette "spelet" , var at eigarane av løo, Bjørg og Torleif Vassenden, stilte løa si til disposisjon.