Resultater

12.05.2009 (Arne Høyland og elevar ved Leiknes skule)

Kommentarer til aktiviteten
Du finn oss i naustet" er ein skuleturne som tek for seg kulturminna knytta til bruken av sjø og vassdrag. Elevane får vera med å dokumentera kunnskap om kulturminne i sitt eige lokalmiljø og på den måten vert dei med å styrka det lokal kulturminnevernet. Opplegget har eg utvikla i samarbeid med Den kulturelle skulesekken i Hordaland. Turneen starta opp våren 2004 i Nordhordland. Våren 2009 er det skular i kommunane Vågsøy og Bremanger i Nordfjord som vert vitja og skular i Lindås i Nordhordland. Arne Høyland

Bilder

Elevar ved Leiknes skule i Lindås, har registrert kulturminne i Mundalstø den 12.05.09. Dei målte opp, skreiv ned fakta og tok bilete. Denne reportasjen har eg laga i etterkant av opplegget og er basert på feltarbeidet som eg gjorde i lag med skuleelevane. To informantar frå Mundal var med og hjalp oss med opplysningar om gamle ting og gamle dagar.

Informantane var til stor nytte for oss og fortalde litt om gamle dagar.

Etter matpausen gjekk me i gang med å registrera. Nokon gjekk inn i nausta for å registrera ting. Andre var ute og registrerte bygningar.

Registrering av eit kvernhus.

Alder litt usikker, men det er truleg sett opp på 1800-talet om ikkje før.

Oppmåling lengde 308cm breidde 290cm høgde 243cm

Døra inn til kvernhuset

Gamal dør som er sett saman med trenaglar.

På døra er det rissa inn ein båt, kan likna på ei jekt.

Inne i kverhuset er det rissa inn bokstavar og gamle teikn på veggane.

I Mundalsstø dreiv ein av gardbrukarane eit garveri i fyrste helfta av 1900-talet.

Garveriet vart brukt til å behandle ku- og okseskinn som m.a. skulle brukast til skosålar. Jakob Mundal, garvaren, fekk skinna frå slakteri i Bergen. Han fekk og hjorteskinn frå indre fjordstrok som han beredde med håra på.

Oppmåling lengde 1100 cm breidde 500cm høgde 415cm

Til venstre for garveriet ser me bygningen som Mundal båtbyggjeri starta opp verksemda si.

Ein av elevane har truleg fått tak i nokre opplysningar som han noterer ned på registreringsskjema.

Fleire av nausta er gamle tømmernaust.

Dette naustet er eit gamal tømmernaust og høyrer til ein av garbrukarane på Mundal.

Oppmåling Lengde 790cm breidde 445cm høgde 405cm

Denne måte å byggja hus på er veldig gamal, og i gamle dagar kalla dei denne byggjemåten for nåving. Dette ordet heng truleg saman med husnåva som tyder hushjørne. Måten naustet er nåva på, tyder på at det kan vera gjort tidleg ¨på 1800-talet eller før den tid. Mange av dei som budde i denne delen av Ostyerfjorden var bygningsmenn, reiste m.a. til Bergen og bygde hus.

Båten er av oselvartrypen og bygd på slutten av 1800-talet av ein båtbyggjar sør for Bergten. Båten vart mellom anna brukt som kyrkjebåt i periode 1900-1940. Oppmåling lengde 575cm breidde 160cm høgde 65cm

Båtborda er klinka med heimesmidd saum med firkanta rø. Det er ofte merke på at båren kan vera bygd før 1900 , då den runde kjøpesaumen kom på slutten av 1800-talet.

Aluminiumskula brukt til å merka garn og liknande fiskereiskapar med. Diameter ca. 20cm

Gamal sula frå 1879 til å hengja fiskesnøret på.

Oppmåling lengde 48cm breidde 25cm høgde 2cm

Sula er datert 1872

Forbokstavane N T (initiala) til eigaren er rissa inn.