Resultater

Naustmiljøet til garden Vik ligg ved Vikafjorden , lokalt vert miljøet kalla for Vikaståe. Her er det fleire gamle grindbygde naust. (A.H) Opphavsmann: Den kulturelle skulesekken

Eit av nausta har eit tømra rom oppe der dei kunne ha varer og ting dei var redde for.Naustet har opphaveleg høyrd til ein gard i Øyadalen som hadde lang veg til sjøen og difor var det greit å ha eit rom i naustet der dei kunne lagra varer, ha eit klesbyte eller ta seg ein kvil. Slike bygningar har det vore fleire av i tidlegare tider, men dette er ein av dei få som framleis er å sjå i Nordhordland (A.H)

Naustet har opphaveleg vore utan bordkledning, då veggane vart var fylt med ved som dei selde til byfolk og andre som mangla brenneved. (sjå naustet på Straume) Namn på konstruksjonsdelane: Den loddrette stokken vert i Stamnes kalla for "stav" den vassrette stokken for "bete" og den litt tynnare delen som står på skrå heiter "snedband". (A.H)

Rommet oppe i naustet er tømra med ei dør som kan låsast.

Eit av dei andre nausta er og gamalt og grindbygd. Det vart tatt i bruk som sag ein gong på 1900-talet. Tilbygget framfor naustet er tak over sagbenken.

Kombinasjonen sag og naust er heller sjeldan å treffa på i Nordhordland.