Resultater

Under førebuinga til kulturminneopplegget på Fanebust fekk eg ei omvisning i det gamle gardsmiljøet på Fanebust. Frå venstre: Skykkja, stovehus, løa og smia.
© Du finn oss i naustet

Smio er murd i naturstein med villhelletak. Eine steinveggen fungerer som del av steingarden.

Eine gavelen i løveggen er murd i naturstein.

Konstruksjonen i løa er av grindverk. Hakket oppe i staven ( den loddrette søyla) er eit gamalt snedbandfeste og viser at staven er gamal og brukt oppatt.

Karl Fanebust (90 år) kallar denne konstruksjonen for bindingsverk. Konstruksjonen er sett saman utan spikar, skruar og lim. Delane i grinda ( grindverket) er bundne saman med kilar og trenaglar. Karl brukar desse namna på delane i konstruksjonen : stav, snedband (skråband), bete ( på tvers) og stavleia som taksperrene kviler på.

Ein gamal florsgrunn?? som fluktar med steingarden mot utmarka.

Gardfloren står i grensa mellom inn- og utmark.

Florsgrunnen er uvanleg stor og plaløysinga tyder på at den kan og ha vore brukt til noko anna enn flor.

Oppi lia ovanfor florsgrunnen står restane av fundamentet til eit vassdreve tresjeverk. Dei laga ein liten demning oppe i lia og brukte vatnet til å driva eit vasshjul som med reimoverføringar kunne driva tresjeverket nede i tunet ( eller i gardfloren ??)

Karl har naustet sitt i Nautevågen, på nordsida av Naustneset. Utsyn frå Nautevågen mot Fensfjorden og Masfjorden.Her starta dei gamle på stølsvegen frå Fanebust til Masfjorden. Feingane kom inn i Masfjorden og bytte fisk mot pote og never.

Karl Fanebust (90 år) fortel: Han bestefar kjøpte brukje i 1853. Nauste stod då borte ved BOF si badestrand i Nautevåjen. Han sætra inni Masfjorden, hadde ein stor båt som han frakta med seg kyr og kjørl og det dei elles trong i seterstellet. Dei batt kydna i sidene på båten og slek at dei stod mot einan, måtte ikkje koma laus. Da gamla naustet var i binningsverk med stava, beta og snedband. Da va torvtak på gamlanaustet so dei måtte i Masfjorden ette never.

Han bestefar flytta naustet hitt her. So bygde me nytt i 1954.

Det renn ein liten bekk ut i sjøen like ved naustet. Her er det ein steinklopp (stenhelle) over bekken.
(10.01.2022)

Ein av klassane sykla ned i Nautevågen.

Karl Fanebust møter elevane på kaien i Nautevågen og fortel om båt- og sjøbrukstradisjonane her.

Elevane lyftar ut plastbåten så det vert betre plass til å sjå på dei gamle båtane og tinga i naustet.

Karl fortel om garnet og andre fiskereiskapar.

Ein av dei andre klassane var i det store naustmiljøet som ligg i vika sør for Naustneset. Her møtte Per Gunnar Sunsbø oss som kjendtmann og elevane fekk registrerer gamle fiskereiskapar.

Her er det mange nye naust på gamle tomtar.

Gamalt naust med steinmur.

Gamle postbryggjo. I gamle dagar gjekk gamle postruta frå Bergen til Ytre Sogn over Fensfjorden. Posten vart då rodd over Fensfjorden frå Fanebust til Steine i Gulen.

Nye kaien der rutebåten la til i gamle dagar. Garnhusholmen i bakgrunnen med grunnane etter to garnhus. Holmen vart og brukt som vadleplass, d.v.s. dei brukte berget til å tørka garn og nøter på. Fanebust var ein god kasteplass, kunne kasta etter sild, makrell og aure.