Resultater

For å koma til garden Spjeldnes må ein over eit sund som ligg mellom Lindås og Spjeldnes. Bilete er teke frå Spjeldnes mot Lindås. I dag går det bru over Sundet , men for nokre få tiår sidan brukte Spjeldnesfolket ei lita ferge til å kryssa sundet med . På bilete ser me byggjefeltet på Lindås i bakgrunnen.

Frå brua ser ein ned på den gamle handelsplassen på Lindås, der det før var både butikk, bakeri, post og damp-skipskai. Ein ser og litt av det gamle naustmiljøet. For dei i Spjeldneset kunne det vinterstid vera ei strevsam ferd å ro sundet med ferga då det ofte la seg is i sundet med ei råk midt etter. Når isen ikkje bar brukte dei ei stor treklubbe til å knusa isen med og lange krokar til å dra seg fram med. I verste fall kunne det gå med ein time til å koma seg over sundet.
© Du finn oss i naustet

Litt vestfor det gamle handelsmiljøet ligg det moderne ferieanlegget og serveringslokalene til Lindås brygge. Øverst oppe i lia ligg ein gamal ærverdig trebygninleg som opphaveleg vart bygd som tuberkolosesanatorium , men seinare brukt som sjukeheim. I dag vert bygningen brukt i eldreomsorga.

Til høgre for brua, om lag midt på bilete, ligg ei lita vik med eit gamalt steinnaust. Astrid fortel at før i tida måtte kyrne symja over sundet når dei skulle ha dei over til Lindås. Då vart kua førd ut på eit svaberg like ved brufestet på Spjeldnes og deretter slept etter ferga , ein rodde og ein heldt tauet i kua . Etter å ha kryssa sundet gjekk kua på land i vika ved det den gamle steinnaustet.

Her ved det gamle steinnaustet på Lindåslandet, symde kua i land. Naustet ligg like innafor Spjeldnesbrua.

Havnen heiter staden der det gamle fergenaustet i Spjeldneset låg. Grunnmuren til naustet er framleis in takt , men sjølve naustet er vekke. Skulle me oppom bue (butikken) la me ferjo attmed piren. (steinbrygga ved butikken) Marås og Haugegardane gjekk over Spjeldneset når dei skulle til kyrkja, og fekk då låna Spjeldnesferga over sundet, eller dei vart skyssa av gardsfolket.

Elevar i 6.klasse v. Lindås barneskule måler opp grunnane til fergenaustet.

Me er på veg til det andre naustet i Spjeldneset og passerer eit lite skjær som heiter Låven. ( Skjæret er flatt som eit låvegolv)

Gadnhusbryggjo Litt sør for Låven, utpå eit lite nes passerer me ein stad som heiter Gadnhusbryggjo Her lligg det ein del murestein i ei røys, truleg etter bryggjo og garnhuset som ein gong har stått her.

Så går me ned i Naustvikje og skal sjå på naustet . Lindåsosane i bakgrunen.

Naustet er bygd i naturstein. Elevane tek mål av bygningen og kjem til dette resultatet: Lengde 808 cm Breidde 627 cm Høgde 600 cm Naustet skriv seg truleg frå tida rundt 1850 då dei fyrste busette seg her.

Oppe på betane (bjelkane) ligg den gamle ferga som vart bukt til å ro om sundet når dei skulle på skulen, til handelsmannen o.l. Elevane måler opp ferga og kjem fram til følgjande resultat: Lengde 400 cm Breidde 112 cm Ferga vart bygd i kjellaren i Spjeldnes i 1952-53 av bestefar til Astrid.