Resultater

Naustmiljøet sett frå kaien. Her stod opphaveleg fem tømra naust. I dag er det fire naust, eit er nytt på gamal naustgrunn medan dei tre andre er gamle tømra naust. Ein gong dei rodde til kyrkja på Hamre, kom det skodda på dei. Då rodde dei etter lyden av kyrkjeklokka. Dei Åse kom og denne vegen når dei skulle til kyrkja på Hamre , lånte båtplass i eit av nausta her.
© Du finn oss i naustet

Dei gamle nausta i Gjervik er bygd av øksa furutømmer, dei er novde . Alderen på nausta er uvisst, dei eldste kan vera frå 1700- talet. Ein del av tømmeret er brukt oppatt

På baksida av nausta er det og ei lita dør. Midt oppetter veggen går ei opplengja som tømmerveggen er nagla fast til.

Den gamle dampskipskaien i Gjervik.

VOKSNESE Tvers for kaien i Gjervik ligg Voksneset. Her på berget drog dei i land laksenota og tørka ho etter reingjering, dei vadla note , sa dei gamle. I Nordhordland er det mange gardar med slike not-tørkeplassar nede ved sjøen, og ofte vert slike berg kalla for vadleberget.

MEIERIET Meieriet og butikken sett frå sjøsida. Litt av taket på eit av nausta i høgre biletkant.

STEMMO Det renn ein bekk langs med vegen ned til sjøen. Om lag 100 meter frå sjøen er det laga ei stemma (demning) der dei samla vatn til isproduksjon. Isen vart produsert om vinteren når vatnet fraus , vart løypt (sklidd) ned til meieriet på ei trerenna der den vart lagra og brukt til å kjøla ned mjølka med.