Resultater

Seimsfjorden sett frå Hopland.

Seimsfjorden sett frå naustmiljøet på Hopland. MØKALASSÆ Lenger ute i Seimsfjorden rett utafor spissen på Hødndraje, er det to skjer som kjem opp under fjera sjø. Desse skjera kalla dei for Møkalassæ.

SETÅ I lia ovanfor der nothuset stod, er ein plass som heiter Setå. Her sat gamle kårkalla og såg etter sild og makrell. Så ropte dei til dei andre på garden når det var fisk . Dei ropte : til sjødn!

KASTA ETTER SILD OG MAKRELL Silda kom inn på vestsida av vågen og svinga rundt langs land inne i vågen og utatt. Dei sette då ut nota før silda kom utatt og drog ho over til andre sida av Vågen , like utafor naustet i vest . Her vart landnota festa til ein plass dei kalla Ådrette. Stundom drog dei nota inn til nothuset og sette lås der. BYSKIT Eit stykke nord for nothuset var det ein plass dei tok i land byskiten.

NOTHUSLAET Gamal steinveg i fjæra langs berget bort til nothuset og rundt det. Nothuset vart reve og brend på 1960- talet. Det var då til nedfalls.

Nothuset ,notbåten og nothuslaet. Maleri av Magne Haugen

HOPLANDSVÅGEN Sjøbruksmiljøet innerst i Seimsfjorden ligg på garden Hopland . Plassen der naustmiljøet ligg heiter Hoplandsvåjen.Frå gamalt var naustområdet felleseiga , og bak kvart naust hadde nausteigarane ein liten humlegard, der dei dyrka humle til ølet. Humla gav både smak til og konserverte ølet seier Magne. Humlegardane var inngjerde med ståande steinheller. Bak eine naustet står framleis ein merkestein som syner grensa bak naustet som var avsett til humlegard.

NAUST Her står sju naust, eit er dobbeltnaust. No er det berre att eit av dei gamle tømra nausta, dei andre er revne og det er komen nye naust på dei gamle tuftene. Dette naustet er til dels kledd med store heller oppunder gavelen på baksida . På eine langsida står det heller oppetter veggen som skal ta vassdrevet . Naustet er novd ( lafta) furustokkar. Inne i naustet er nokre bokstavar og årstalet 1786 fint rissa inn på eine tømmerstokken. Beten og tømmerveggane er bunden saman med rotkne.

HUSMATERIALAR Det var lite skog på garden før i tida. Hopland hadde litt skog lenger aust mot Storvatnet. Men terrenget var ulendt og vanskeleg å transportera i. Dei gamle rekna ikkje kvaliteten på furua så god her som lenger inni fjordane. Hus-materialane kom difor i frå Vossetraktene seier informanten vår.

På innsida av naustveggen står årstalet 1786

ELVA OG ELVEFISKE Ved steinbrua over Vågelva har dei dreve med teinefiske. Fiska aure (ørejefisje) GAMLE GANGVEGEN OG STEINBRUA Her like forbi nausta går gamle gangvegen mellom Hopland og gardane lenger vest, Fiskeset, Otterås m.fl.

Gamle gangvegen har steintrapper frå sjøen og opp mot gardstunet på Hopland.