Resultater

Garden Trodal ligg innerst i Masfjorden. Nede ved sjøen ligg naustet og saga. Lenger oppe ligg kvernhuset, stovehus og løer.

Nede ved sjøen ligg naustet og saga, nustet til venstre for saga på bilete . 1850-1860 vart sagbruket flytta frå Trysdalselva og hit. Dette var ei oppgangsag og huset er enno slik det var då oppgangsaga var i bruk. Oppe i andre etasje på saga ligg føringane for grinda som sagstokken låg i. Mange av golvborda i denne etasjen er skorne på oppgangsag.det same er det med golvborda på naustlemmen. Oppgangsaga var i bruk fram mot siste århundreskifte. Då bygde dei om frå overvasshjul til sagkall og monterte sirkelsag. Seinare vart det laga ein liten sagbenk i andre høgda.

Naustet i Trodalen er grindbygd.Frå naustdøra ligg det runde stokkar, "ludna" som vert brukt til å dra inn og ut båtane på. Ludnane er vanlegvis laga av osp. Naustet har naustlem med fast golv og er frå 1822 i følgje eit årstal som står på døra inn til naustlemmen. På lemmen hadde dei tørka høy og lauv. Der hengde dei og fiskegarn. Nede i naustet hadde dei båtane. I dette gamle fellesnaustet var det ein firkeiping, ein trekeiping og to færingar. Tre- og firkeipingane vart brukt til når dei for til Fedje for å kjøpa fisk og elles til føring av ved og lauv. Hadde to råsegl, no har me berre att det som eg trur dei bruka til firkeipingen.
© Matre skule (15.09.2005)

Naustet er grindbygd og av furu-materialar. Lokalt i Nordhordland vil nokon kalla bygningen for eit stavnaust, og dei aller eldste vil kalla byggjemåten for bindingsverk. På bilete ser me elevar i arbeid med å dokumentera og gjera oppmålingar.
© Matre skule