Resultater
| Alle områder | » | Vestland | » | Vaksdal, Eidsland | » | 21.09.2005 () |
Kommentarer til aktiviteten
5,6 og 7 klasse ved Eidsland skule registrerte kulturminner i dag den 21.09.05. Dette vart gjort i samband med DKS Hordaland sitt kulturarvopplegg "Du finn oss i naustet"
Fyrst såg me på bygningane nede i kaiområdet på Eidsland. Her fekk me hjelp av to eldre manfolk som fortalde om naust og andre bygningar i området.
Deretter tok me turen til Møster og såg på nokre bygningar like ved elvemunningen. Til slutt gjekk turen opp til ein pansjonist på Møster som fortalde om bruken av naust. Her fekk me og koma inn i kjellaren og sjå på diverse ting han laga, slik som julenissar, økseskaft, ljåsorv, ausefat m.m.
Bilder
Framleis står to av dei gamle nausta att på Eide .Desse er grindbygde, opphaveleg var dei opne på langsidene der dei lagra og tørka ved som dei selde til skoglause folk i Bergen o.l.
Det eine naustet er 9,5 meter langt og 5,5 meter breidt. Alder er ukjendt, men truleg bygd før 1900.
(21.09.2005)
(21.09.2005)
Naustet har gamle takbord. Dei to øvste borda på bilete er øksa, tredje bordet er saga med vassdreven oppgangsag, bord nummer fire og fem er øksa og det nederste bordet er saga med vassdreven oppgangsag. Alt dette tyder på at takmaterialane er over hundre år gamle.
Stavleia er namnet på den kraftige bjelken som taksperrene kviler på. Denne stavleia er skøytt i lengderetning med ein "fransk lås" . Han Artur i Masfjorden kalla skøyten for "tyskeskauten" .
