Resultater

Ilesteinen vert t.d. brukt på garnet. Det er bora hol i steinen og der er det festa ein streng med ei lykkja i enden som eine enden av garnet er festa til. Steinen vert liggjande på sjøbotnen og skal halda garnet i ro på fiskeplassen medan det står ute.
© Austebygd skule, Radøy (20.04.2004)

Kleppen finns i ulike typar og storleikar og har vore brukt til fleire gjeremål. Denne er brukt under fiske med snøre, dorg, line e.l. Når fisken kjem opp til overflata hukkar ein tak i fisken med kleppen så ein ikkje misser han. Denne kleppen ser ut til å vera av nyare dato, skaftet er heimalaga og kroken er kjøpt. På gamle kleppar er gjerne både sskaft og krok heimalaga. Eigaren har rissa inn forbokstavane sine framme på skftet.
© Austebygd skule, Radøy (26.04.2004)

Notekaggen vert brukt til å halde nota oppe i sjøen.Denne kaggen har vore brukt som flytemiddel på ei laksenot, og enkelte kallar det då ein laksekagge. Oppe på kaggen er det ein ring (ei kause)der nota vert knytta fast til kaggen. Kaggane kan ha ulike fargar alt etter kven som er eigaren av nota.
© Hordabø skule, Radøy (26.04.2004)

Sjøkikkert brukt til å sjå i sjøen med. Vart m.a. brukt når dei grov o-sjel. Då kunne ein mann sitja med årane i robåten og halda båten på plass medan den andre brukte kikkerten og ei sjelklypa til å grava laus o-sjela med. Innmaten i o-sjela vart tatt ut , salta og seld til fiskarar i Lofoten som brukte ho som lineagn på lofotfiske.
© Leiknes skule, Lindås (15.09.2004)

Slåk (tre-renne) til ei vasspumpe (slåkepumpe)som har stått i ein notebåt. Slåkepumpa vart brukt til å pumpa ut vatn or båten. Slåket er namnet på sjølve trerenna som leier vatnet ut av båten. Vatnet vert pumpa opp med handemakt med ei sylinderforma stempelpumpe.
© Hordbø skule, Radøy (26.04.2004)

Det gamle snøret eller fiskesnøret som mange seier i dag, var sett saman av fleire delar. Fyrst måtte dei ha ei sule til å hengja taumen på. Enden av hampetaumen vart festa til stetten (Manger) som bestod av steinen og strengen . I enden av strengen kom ein litt stivare kortare taum som heiter forsynet og i enden av den kom ongelen. Det gamle snøret hadde ulike storleikar alt etter kva fiskesort dei fiska etter.
© Manger skule, Radøy (19.04.2004)

Same tekst som til bilete ovanfor. For at hampesnøret skulle vara , vart det sett inn (barka) med bjørkebark. Sjølve sula som taumen surra rundt, er av tre. For at sula skulle vara lenge sette dei ho inn med tjøra. Difor er sula svart.
© Manger barneskule, Radøy (19.04.2004)

Vaddbeinet vart brukt på robåtane i gamle dagar når dei fiska med hampesnøre. Bruksmåte: Snøre vert sett fast oppå kanten på øvste bordgangen i båten (ripebordet) og så let ein snøret gli ut over trerullen som går rundt inni vaddbeinet. På den måten sparar ein slitasje på både snøret og ripebordet.
© Austebygd skule , Radøy (20.04.2004)

Vak (n.) er eit fellesnamn på eit flytemiddel som vert brukt til å merka teinar, garn o.l med slik at dei er lett å finna att og få tak i. Dette vaket er av tre og det er merka med forbokstavane til eigaren.Det er festa eit taug til vaket som er knytt fast i teinen som ligg på sjøbotten. Her er det brukt grastaug.Fordelen med grastauget er at det flyt lett og vert heller ikkje så tungt om det vert vått.
© Hordabø skule, Radøy (26.04.2004)