Resultater

Her har gardbrukarane på Leiknes hatt gardshusa sine frå gamal tid. Dei fleste gardshusa ligg framleis på austsida av ein ås som går oppetter dalen. Vegen på bilete går over gamal innmark på Leiknes og vidare opp til gardane Midtgard og Hodnesdal.
© 5.klasse Leiknes

Eit av gardsbruka på Leiknes har flytta husa sine på vestsida av åsen. Før i tida hadde alle gardbrukarane på Leiknes kornåkrane sine her. Dei brukte då ein spesiell veg som dei kalla for ludnaveg til å dra sledane på når dei drog heim kornet. Ludnaveg er ein gamal vegtype som består av runde stokkar (lunnar)som ligg litt nede i bakken slik at sleden var lett å dra fram. Det er omtrent same vegtypen som dei brukte til å dra båtane inn og ut av nausta.
© 5.klasse Leiknes (15.09.2004)