Resultater

Kommentarer til aktiviteten
I samband med at den kulturelle skulesekken i Hordaland tilbaud skulane i Radøy opplegget "Du finn oss i naustet" , vart det formidla litt om kulturminna og kulturminnemiljøet i Nøtlevåg. Her er ein liten smakebit.

Bilder

Nøtlevåg ligg på austsida av Radøy og var før bilvegane kom , ein sentral stad langs den indre farleia mellom Bergen og Fensfjorden. Den kvite store bygningen har vore butikk og meieri. Det raude huset ute på kaien er ei bu der dei tok inn varer som kom med båtane. På venstre side av vågen ligg det gamle naustmiljøet. Her var det gardane Dale og Vågstøl som hadde mausta sine. Nede i venstre biledkant ser me ishuset. Det vart brukt til å lagra is som meieriet brukte til å kjøla ned mjølka si med. Isen tok dei om vinteren frå eit tjern som ligg like ovanfor Nøtlevågen.
© arne høyland (27.04.2004)

Ishuset
(27.04.2004)

På bilete ser me frå venstre: Eit nyare naust på ein gamal nausttomt, ishuset, bua (raud) , butikk og meieri bak bua, to gamle naust og den gamle dampbåtkaien.
© arne høyland (27.04.2004)

Byggeskikken varierer litt i Nøtlevåg. Nokre er grindbygde og andre er som på bilete her tømra eller "nøvd" som ein gamal mann på Radøy sa det. Tømmerveggen som vender mot sjøen er ikkje kledd, på den måten fungerer denne tømmerveggen både som berande vegg og kledning.
© arne høyland (27.04.2004)