Kommentarer til aktiviteten
Bygdene våre som ligg ut med kysten, der fiskarbonden har livnært seg i lang tid bak gjennom historia og der buamiljøet med sildesalting og fiskemottak har lange tradisjonar, er det naturleg å vektleggje kystkulturen når vi skal formidle lokal historie til barna våre.
Samarbeidspartane i KUMI prosjektet vårt er Bremanger kulturskule og Kystlaget Hornelen.
Kystlaget Hornelen har restaurert Gulebudaeit gamalt sildemottak, som var i drift fram til slutten av 50 talet.
Kolset oppvekstsenter har 53 barn i alderen 1-12 år. Dei ulike aldersgruppene er med på aktivitetar utifrå deira meistring/nivå. Alle er ikkje med på alt, men målet er at alle gjennom bhg./skuletida skal få vere med på ulike aktivitetar knytta opp mot kystkultur.
Gulebuda er ein fin læringsarena for oss gjennom prosjektet vårt. Vi legg vekt på at barna skal vere deltakande og mest mogeleg i aktivitet med praktiske gjeremål. Vi ynskjer å levandegjere historia til bygdene våre, og vere med å fornye tradisjonar som er knytte til lokalmiljøet. Vi trur at det er på den måten kulturen lever vidare.
Her har vi stor hjelp av Kystlaget Hornelen som med sitt engasjement er pådrivarar i levandegjering av gamle tradisjonar.
Den største og mest omfattande delen av dette prosjektet gjennomførte vi etterjulsvinteren 2003. Då la vi vekt på sild. Vi starta med sildefiske i februar og avslutta med spekesild og kubbesild/tørka sild i mai.
Elles har vi laga og lært om fiskereiskap, segling og roing. Inneverande år er temaet båtar; lære om ulike båttypar, stell av trebåtar og øving i å ro.
Bilder
Kulturminnet Gulebuda
© Astrid Endal Olsbø (05.05.2003)
Sildefisket er i gang.
Vi er i gang med å tine sild. Dette er det gamle uttrykket for å ta silda ut av garnet
© Astrid Endal Olsbø (05.05.2003)
Etter at sildegarnet var tomt, starta vi med flekking. Fangsten var stor, så vi hadde nok til å lage både tørka flakt sild, kubbesild (dette er sild som ein heng opp rund) og spekesild.
Vi la silda som skulle hengast opp i sjøvatn over natta for at den skulle trekkje til seg salt.
(05.05.2003)
Den flakte silda er komen på troa, og er klar til å henge opp under taket inne i bua.
(05.05.2003)
No vil vi smake på silda.
(05.05.2003)
Sild er kjempegodt
(05.05.2003)
Albert viser korleis dei laga spekesild i tønner i gamle dagar
(05.05.2003)
Oppskrift på saltlake : Ei middels stor potet med ein 4" spikar i, skal flyte i laken.
(05.05.2003)
No er sildetønna full.
Flø - betyr at silda ligg slik : ei med buken ned og ei med buken opp.
(05.05.2003)
Før ein kan invitere til sildefest, må ein bake flatbrød. Her er barnehagen i full gang.
Full konsentrasjon om flatbrødbakinga.
Etter at vi hadde lagt bak oss fleire fine dagar på Gulebuda, hadde vi lagt ned to tønner med spekesild og hengt opp både kubbesild og flakt sild. Silda måtte etast. Difor inviterte vi heile bygda til fest. Kulturskulen stod for underholdning med både dans og musikk, Kystlaget Hornelen hjelpte til med den praktiske tilrettelegginga.Så var det berre å dekke langbordet på kaia.
ca. 150 stk kom på Gulebuda denne ettermiddagen.
Elevar ved kulturskulen stod for fin underholdning
Dansegruppa ved kulturskulen er igang.
Temaet dei dansar ut ifrå er Taremareby.
4-7 klasse hadde nokre dagar, der dei fekk lage krepseteiner, krabbeteiner og lærte å seise kuler.
Det er moro å lære gamle kunstar.
Bilete inne frå bua, der båtane ligg vinterstid.
Elevane har fått mange fine opplevingar saman med medlemar i kystlaget som har stilt opp og hjelpt til med både ro- og segleturar.
Ein av dei faste aktivitetane når vi er på Gulebuda, er å få ta seg ein rotur.
Vi har fått mange fine turar med kystlaget sin seglbåt.