Område: Sorperoa

5.klasse ved Barhaug skule har rydda gamle råk. Vi var 11 elevar, to lærarar, ein frå idrettslaget og tre foreldre som brukte ein heil dag til dette. Vi hadde med oss sakser, handsager og motorsager. Nokre gjekk fremst og klipte/ saga medan andre drog og kasta til sides. Vi rydda to råk: Hesthaugråket mot Hånåhoppet og Stormorkenråket, som går inn på dette. Begge råka er no merka med merkeband og ca. to meter breie.