| Beskrivelse: | Gamal nedgrodd hage med gamle tre, frukttre og bærbuske. Dette er no eit friområde som skulen får bruke. Vi ønsker å stelle området, beskjere og stelle frukttrea og sjå om dei ber betre frukt som vi kan bruke. Vi vil søke råd og samarbeide med eldre i bygda om dette. Hagen er ei blanding av naturtomt med skog og knausar og det som høyrde til i ein hage. Husa er borte, men vegetasjonen står att. Skulen ønsker å slå gras, prøve å dyrke grønsaker, stelle frukt/bær, lage fugleholkar/ registrere fugleliv og lære om dei ulike treslaga som finns der og nytte dei i ulike samanhengar. Vi vil lage benkar i naturmateriale, lage gapahuk og gjere området meir tilgjengeleg som arena for undervisning og undring. Elles vil det også fungere godt på fritida for rekreasjon og leik. |
