Resultater

Kommentarer til aktiviteten
Den 11. juni 2009 arrangerte elevar og lærarar saman med Tokke Historielag ei vandring langs Baksida av Dalåi. Vi hadde hyra inn fleire ressurspersonar, bl.a. hesteskyss til dei som ikkje kunne gå eller sykle. Det var bla.a den flotte lensmannsvogna som er på Vest-Telemark museum. Tilsaman 20 personar fekk plass i vogner og karjol. Av aktivitetar som dei ca. 250 besøkande fekk sjå var: fantefylgje, utvandring til Amerika, lunning av tømmer med hest og hakarei, stangfiske og lystring, gamle leikar, presentasjon av prosjektet vårt ved elevar, dramatisering av arrestasjonen av Asbjørn "Slaven", stev og hardingfele. I tillegg fekk alle kjøpt kling og drikke. Budsjettet vårt var på kr. 37000,-, og mykje gjekk med til å løne hestefolk og ein som laga film om denne vandringa. Denn personen er ein profesjonell filmmakar. Filmen er nå ferdig redigert, tek ca. 30 minuttar, og er til salgs på Turistkontoret i Tokke. Den gjev eit bilete av korleis det var på Baksida i 1893. Den staden som vi arrangerte alt dette på heiter Kakeflaten, fordi det var ein bakar som i si tid heldt til der. Denne staden har Tokke skule nå fått av grunneigaren. Vi kan gjere kva vi vil med staden. Den ligg fint til like ved ein skogsveg, og like ved Dalaåi. Her har vi nå planar om lage ein gapahuk som kan hyse ei skuleklasse. Det er ca. 3 km. frå skulen. Vi har bestemt at vi vil sende ein kopi av filmen til kronprinsparet, fordi dei har gått ut i media i år og sagt at dei er svært interesserte i å bygge bruer mellom generasjonane. Vi syntest prosjektet vårt med vandringa langs Baksida nettopp dokumenterte at her hadde vi laga ein møteplass for folk i alle aldrar. Dei eldste var over 90 år. Dei yngste var under skulealder. Vi takkar for oss!! Helsing alle på mellomsteget ved Tokke skule skuleåret 2008-2009.

Bilder