Resultater

Kommentarer til aktiviteten
I dag har vi hatt møte med fylkesarkeolog Landmark, 2 representantar frå Vest-Telemark museum, turistsjefen i Tokke, grunneigaren til gravhaugen og oss i 6. klasse. Vi vart samde om ei avtale der vi skal rydde "Revahaug" i samarbeid med grunneigaren. Vi fekk råd om å opne landskapet mot elva. Vi skal kome med forslag til kva som skal stå på skilt og opplysningstavla. Vi skal sende forslaga til fylkesarkeologen for godkjenning. Turistsjefen lova oss pengar til skilt, opplysningstavle og benk dersom vi ikkje får pengar frå dei vi har søkt om pengar.Det var flott! Vicky Grini frå Vest-Telemark museum vil samarbeide med oss framover. Vi vil nå prøve å finne ut kvar gjenstandene som var i grava har hamna. Det skal bli spanande. Nå vil vi snart gå ut i pressa for å fortelje om prosjektet vårt. Kanskje er det nokon som veit litt om student Roll som kjøpte tinga frå gravhaugen i 1876.