Resultater

Kommentarer til aktiviteten
Frå elleve til tre Intervju med Gunnar Ellingsen Kvifor interesserer du deg slik for Svendsengarden? Fordi eg generelt er oppteken av lokalhistorie og lokalmiljøet. Kor lenge har Svendsengarden eksistert? Eg er ikkje sikker, men eg veit at dei husa som står der no er bygd i 1867. Når opna hotellet? Det opna i 1885 og det heitte Ørstenvig Hotell. Før det var det skysstasjon. Ein skysstasjon er nesten som ein busstasjon. Dei tok imot folk og frakta dei med hest og kjerre til neste stasjon, som var på Brautaset. Når vart Ørsta ei eiga kommune? I 1883. Før det høyrde det til Volda. Kva har garden blitt brukt til? Det har blitt brukt til; skysstasjon, hotell, kommunestyrelokale, handelslokale, lensmannslokale, fleire forskjellige butikkar, bakeri, turistkontor, doktorlokale, prestekontor, bibliotek og no er der kafé. Når begynte dei å bygge garden? Dei begynte truleg å bygge garden i 1866, i alle fall hovudhuset. Når begynte dei å bygge Vikegata? Dei begynte å bygge gata rundt 1918/ 1919. Kor lenge levde Webjørn Svendsen? Han vart fødd i 1834 og døydde 17.april 1899, han vart altso 65 år gamal. Kor mange hus bestod garden av på det meste? Omlag 4-5 stor hus. Til saman var det elleve hus. No er det berre 3 igjen. Kor mange familiar har budd der? Det er eg ikkje sikker på, men eg veit at Webjørn Svendsen og familia hans var den første. Døtra hans Henrikke gifta seg med Johannes Melle, og dei tok over garden. Det er derfor den blir kalla for både Melle- og Svendsengarden. Kom det mange utlendingar til hotellet? Vel det kom mange engelskmenn. Dei kom hit for å klatre i fjella. Det mest populære fjellet var Saudehornet. Det vart festa stålboltar til fjellet slik at det skulle vere lettere å kome seg opp. Den mest kjende gjesten som har vore der er vel Edvard Grieg. Han overnatta den 20. juli i 1894. Skrive av Silje Øvrebotten, Simen Aarsæther og Olav Ø. Opsvik.