Skiregistreringar på Nesbø, Lindås kommune
Dokumentasjon: Ostereidet barneskule
Den 21.04.98 besøkte me Idar Nesbø. Han viste oss skia sine som han fekk då han var 10 år gamal i 1944. Skia vart laga av Reidar Stall på "Stall skifabrikk". På grunn av eit uhell vart skia ferdige nokre månader etter planen, men tidsnok til tiårsdagen. Skia er laga av raun og han stod på "Bengstallen" like over Nesbøkaien. Skia er ei slags holkilski, d.v.s. at dei har ein bua profil oppå skia. Denne forhøyningen er for at snøen skal detta av skia. Bindingane var kjøpte i Bergen, noko som ikkje var så enkelt under krigen. Det var hælbindingar. Skistavane laga Idar sjølv av hattel. Han laga og trinser på dei. Skia vart mykje brukte. På Nesbø var det bratte bakkar som trekte til seg modige gutar frå Nesbø, Gjelsvik, Rødland og Hørland. Før Idar fekk desse skia frå 1944 hadde han hatt to par ski. Desse hadde faren Rasmus Nesbø laga sjølv. Han hogde dei ut av stammar med ein naturleg bøy. Skia hadde enkle tåbindingar og stavar brukte Idar ikkje, berre ein påk til å styra med. Når det var lite snø eller hardfrose,brukte han snøskøyter. Desse laga han sjølv.
 |
Her står Idar i lag med registratorane og viser fram skia sine. Nesbø ligg ved Austfjorden i Nordhordland med kort sjøveg ut til øy- og havgardane i Austrheim og Fedje.I bakgrunnen ser me fjella i Masfjorden og Gulen. Sjølv om Nesbø ligg langt vest i kystlandskapet og må reknast for snøfattig,så har dei gamle skitradisjonane stått sterkt. (Jamfør registreringane på nabogarden Veland)
|
 |
Helbinding frå 1940-talet. Den var kjøpt i Bergen.
SKI-DATA
Lokalt ski-namn: Holkilski
Alder: Ny i 1944
Lengde: 181,6 cm
Lengde Res og tupp: 20cm
Breidde (millimeter): Bak 65, midten 61, framme 73
Dimensjon (millimeter): Bak 9, midten 25, framme 5
Profil oversida: Flat
Profil underside: Flat med styrerand
Dekor: Nei
Skimaterial: Rogn hogd på heimagarden til skieigaren
Produsent: "Stall skifabrikk"
Binding: Hælbinding med påskudd tåjern
Skistavar: Heimelaga stavar av hattel
Skibruk: Til og frå skule, skileik
Brukargruppe: Mest brukt av gutar,lite brukt av jenter og vaksne
Skismurning: Tjøra,stearing ,grammofonplate
|
 |
Idar fortalde om ein gong han var med faren og hogg juletre heime på Nesbø. Det var snø og han spende då på seg skia, tok treet på nakken og rende ned bakkane og heim med det.
|
Gå til hovudsida for Ostereidet barneskule eller sjå på ski som er registrert frå:
|
