Hovudmoment for 3. klasse

Kropp og helse

I opplæringa skal elevane

• bli fortrulege med si eiga fysiske utvikling og bli kjende med livsløpet til menneska
• lære noko om korleis kroppen er bygd opp

Mangfaldet i naturen

I opplæringa skal elevane

• observere enkle livssyklusar til planter og dyr, og så frø og stelle planter
• bli kjende med nokre fuglar i nærmiljøet og kva som skjer med dei gjennom årstidene
• lære om og bli kjende med nokre vanlege dyr, til dømes kjæledyr eller husdyr, og samtale om forholdet mellom menneske og dyr

Stoff, eigenskapar og bruk

I opplæringa skal elevane

• undersøkje kva som flyt eller søkk i vatn, sjå at materiale som søkk, kan formast slik at dei flyt, og sjå døme på teknologisk bruk av det
• lære noko om faste stoff, væsker og gassar og arbeide med frysing, smelting og fordamping av vatn som døme på det

Det fysiske verdsbiletet

I opplæringa skal elevane

• få sjå at materiale kan formast slik at dei svevar og sjå døme på teknologisk bruk av det
• observere og beskrive ulike vêrfenomen, og måle temperatur, nedbør og eventuelt snømengd